***((( عُصفورة النَهرين)))***
عَالبال يا عُصفورة النَهرين
صَرلي أستَنى ثلاث أيام
عُيونِك إللي سَحرَت الحلوين
بالليل أسهر كيف بدي نام
لِخدود كُلها معَطَرة بياسمين
بالليل كنتي أفضَل الاحلام
والوَرد جوري من جَبل صنين
ودمك خَفيف ومن بلاد الشام
إستَنيت عُطرك يا ورد تشرين
الطقس صافي ما بظَل غيام
موال بَنشِد أنا من فلسطين
بغَرِد مِل حسون حَبْ وهام
شفافِك اللي صَنعَت التِلوين
والعَسَل من تِمِك نِزِل عَرخام
ولما وصلتي كنا فَرحانين
ولما إجيتي فِرحت الايام
سهِرتي مَعي لِنجوم سَهرانين
عالعود بعزف أجمل الانغام
والبدر صار يغار من نِسرين
لما عِرِف منك إجى الالهام
للفَجر سَهرتنا ومِرتاحين
والنِدى لخدودِك عِمِل حَمام
..بقلمي..ياسين مصطفى بكري......
ليست هناك تعليقات:
إرسال تعليق