****(( المرأة يا حَسون ))****
المرأة يا حَسون ببساتين
يا نَسمة حلوة تعانق الوادي
منين جبتي هالحلى من وين
الله عَطاكِ كثير وزيادي
المرأة يا زهرات في تشرين
يا تاج كل البيت وولادي
ريحت عُطُر هبَت من الحلوين
ونسمة عَليلة إجت عَثيابي
المرأة هي الحب متفقين
وهي الوتر في عود إنشادي
المرأة هي كاس عَطشانين
النبع فيها من شهد صافي
ياما سهِرتي ونحنا غفلانين
تالديك يصحى وصار يكاكي
إنت الورد والزهر والياسمين
إنت البطولة بقصة الحاكي
عُيونك سحر والكُحل حلى العين
تراعي باولادك وأحفادي
المراة لما لابسة فساتين
بِتكون شَمعة ضاوية بلادي
ريحة عطرها من جبل حِطين
ربي خلقها هدية العالي
المراة يا رصاصة بقلب مرتين
فوق العدى بتكون وهاجي
النَصر جاي ونحنا منتظرين
تكوني عَلَم مرفوع او رايي
نحنا خلقنا بقلبك فلسطين
منقَدِس جبالك مع الوادي
المراة مثل البن بفناجين
الكل بشربها بقلب هادي
وخدودها من المسك والقطين
وهي أصيلة وحبها دافي
والشعر عم يلوح عالكتفين
والجفن فوق عيونها غافي
لما حكتني القلب منها يلين
احلى كلام يظل في بالي
اجمل تحية إلك من ياسين
بإحترام وقدر متعالي
المرأة انت ضفة النهرين
وجنة وسيعة تابعة الباري
...بقلمي...ياسين مصطفى بكري...
ليست هناك تعليقات:
إرسال تعليق