كتاب حروفه شجن.....
و كلامه من قسوة
مكتوب بدم الغلابه...
توقيعه.....كان بصمة
تحلف برب العباد ....
دا نصيب
و دى القسمة
كتاب بيحكى اللى كان....
و فيه مليون رسمة
الحرف عينين مغربة....
و دمعة
خنقه ميتين بسمة
و الضحكة متغربة.......
و الفرحة متخاصمة
كتاب و كله وجع.....
اه و أهين على الجدع...
غريب و الغربة موت....
و الكتاب مكتوب
والموت ملوش عصمة
العمر كل قدر
له ع الجبين رسمه
مكتوب عليه الشقا
ولقمته من عرق الجبين
ملوش في العوج وصمة
كلامه كله سكوت
شورته لو يقول حاسمه
وحكمه في الحياه سيف
و عدل في القسمه
جري عليه القلم
كتب القدر صفحات
صفحة زعبيب و ريح
و صفحه كالنسمه
في كل حق و خير
بتبقى له بصمة
أيمن فوزي
ليست هناك تعليقات:
إرسال تعليق