مرحباً يا صباحُ .
ليش القمر ؟
_ هوّي القمر ببلادْنا ختيَرْ ؟
لا عاد ضوّا ولا حِلي وزهّرْ ..
شو صايْبو ؟ناسي كأنّو حبايْبو ؟
سْأَلت السّما ،سألت الْفضا ،
وبلّشتْ عدِّ نْجومْ ،
نجمي ، اتنينْ ،
ميتين ، ألفينْ ؟
وشو بْعُد حتّى عُدْ ؟
وما في حدَا بي رُدّْ ..
_ ردّيْت إسألْ للشّجرْ،
للغيم يهمي بالمطرْ .
شو باه زعلان القمر؟
قلت الورد عرفانْ ،
هدّي بقى لنِسألو ،
متلي طلع حيرانْ ،
غير الْما بعرِفْ ما إلو ..
_ ركبت السّفيني طُوف ببلاد العربْ
ما همّْني ،
تلج وعواصف أو شتي .
وبْرَمتْ هَون وهَونْ ،
مرّة بْسهلْ ، مرّة بوعِرْ،
مرّة بمديني واسعا ،
حتى الصّحارى طُفتْ ، وتعذّبتْ .
_ أصلو القمرْ شاغلِ عقولِ البشرْ .
لازم بقى نداويه ،
ونراعيه ،
تاريه ،
ما بدُّو ..
من أرضنا هربانْ ،
الهيئة عرِف إنّو العربْ ،
ما بعدهُن متلِ العربْ ..
ليست هناك تعليقات:
إرسال تعليق