وطن وتراث .
********
أنا آبن آلمجد فيّي آلمجد غنّى
بإسم آلأرض وإسم آل ساكنينا .
يا أرض بلادي يا مبعث أملنا
يا فردوس آلأرض وآلحاميينا
بخير تراب أرضي جبَلت حنآ
وبريشة طيرك نكَحل عنينا
بسماكِ بلدي عم يصدح نسرنا
وبلابل تشدو في أعلا روابينا
عنين آلسواقي يناجي قمرنا
وتناجي حمَلنا أنغام وادينا .
بلادي آل سحِرها أبهر نظرنا
بكل آلكون مِثلا ما لاقينا .
لأجل بلادنا آرواحِ رهنآ
وحمَلنا آلروح ع راحة إدينا .
يا جنه عآلأرض فيها تأنّى
براها وقال إسمك فلسطينا
تغزل في حلاكِ ملوك آلشعر عِنآ
من آلجرمق لحد حدود سينا .
زنآر خصرك يا صيغة أساورنا
وتاج آل ععرشك يضوي عالي آلجبينا .
ب شمالك جرمق يا عالي قممنا
بحيّي آلشوف يا بيروت آسمعينا
لفضلك يوم نحنا ما جَحَدنا
حضنتٍ أهلنا آل عزّوا علينا
وب غربك بحرك آلأبيض سألنا
بسرّ آلسحر بربِّك حدثينا .
ياموج آلبحر على ظهرُه حملنا
وحنالك هامه قبطان آلسفينه .
وب شرقِك نهِر في عرضه عَبَرنا
على آلجولان يا شام آخبرينا
عن آلأحبا وكيفهم جاوب قدِسنا
على آلأقصى آرجعوا يا مهاجرينا .
فلسطين آلحبيبه يوم عنك ما غفَلنا
ولا لو ساعه عنك ما سهينا
يا أرض بلادي بترابِك حلفنا
ب مهد عيسى وب كعبة نبينا
من بعد آلخالق ترابك عبدنا
يا بلدي ربنا يشهد علينا .
تنحفظ هآلعهد نحنا وصلنا
ولإحياء آلتراث آليوم جينا
ترابك حيّ وامانه بعنُقنا
حملنا هآلأمانه وما عيينا
تننظم شعِر ونآزِر بعضنا
نغزل نول ونطرِّز بإدينا .
وخيوط مذَهّبه تبعث شمسنا
ونغزل صوف بفضله دفينا
ومن ألوان آلقزح نحنا سحبنا
خيوط ملونه للناظرينا
تننسج صوَر تحكي عن أهلنا
وأصالة شعب على مَرّ آلسنينا
شحدنا آلوان أربع من علمنا
تتحكي مجد حاضرنا وماضينا
تعانق في آلصباح آلمرج عنآ
وترجع في آلمسا ترفرف علينا .
خضار آلمرج من عطره جابلنا
شذى وآلطلّ ندّى ع جبينا .
وبياض آلثلج ال مغطي جبلنا
جماله بنور رب آلعالمينا
وسوادُه يا سمار آلعين عنآ
لولا آلسواد شو تنفع عنينا ؟
وآلأحمر زهرك آلخجلان أحنى
لقًبله ب خدّ صخرِك وآلجَبيينا
ع سطع آلغيم رح نرفع علمنا
بصلاة آلصبح يا أمي باركينا
تتمطر عآلأرض ويروى زرعنا
خيوط آلغيث شربنا وما روينا .
إذا منموت ومنواجه قدرنا
أمانه يا بلادي سامحينا
لأنه آلعمر لمحه من بصرنا
ما بكفي آلعمر مهما طال فينا
لقُبله واحده تروي ظمأنا
ع خد ترابك بعزّه ربينا .
من جيل ل جيل رح نرضِع طفلنا
أصالة شعب وجذوره آلمتينه
تيحمل هآلرساله بعد مِنآ
وتبقى في سجلّ آلخالدينا
بخلود ودورة آلأيام معنا
مدام آلأرض عم بتدور فينا .
بقلم . أسماء مصطفى نعامنه
فلسطين
ليست هناك تعليقات:
إرسال تعليق